«Հրապարակ». Ինչպե՞ս է ճգնաժամի պայմաններում վարչապետը բազմապատկել իր անձնական միջոցները. Նիկոլ Փաշինյան

Երեկ, կառավարության ծրագրի քննարկման ժամանակ, հետաքրքիր դիտարկում է արել Նիկոլ Փաշինյանը: Ըստ նրա՝ եթե կառավարությունն իր 2008-12-ի ծրագիրը չի կարողացել իրականացնել տնտեսական ճգնաժամի պատճառով, այդ դեպքում ինչո՞ւ վարչապետ Տիգրան Սարգսյանի անձնական միջոցներն այդ նույն ժամանակահատվածում բազմապատկվել են: Այսպես, եթե 2008-ի Տիգրան Սարգսյանը հայտարարագրել էր 17 մլն 242 հազար դրամ, ապա 2012-ի՝ 35 միլիոն, այսինքն' նրա եկամուտները կրկնապատկվել են: Իսկ դոլարային միջոցներն ավելացել են 40 անգամ՝ 22 հազար դոլարից հասնելով 870 հազարի: Իսկապես տպավորիչ աճ է: