«Երևան ջուրը» գերազանցել է պահանջվող ցուցանիշը

Մինչև 2011 թվականի ապրիլ ամիսը հրապարակված պաշտոնական տեղեկատվության համաձայն՝ մայրաքաղաքում նվազագույն ջրամատակարարումը կազմում էր ընդամենը վեց ժամ։ Երևան ջուրն այդ ցուցանիշն ընթացիկ տարում դարձրել է ութ ժամ, իսկ հաջորդ տարի կդարձնի տասներկու ժամ։ Միչդեռ անցած յոթ ամսվա ընթացքում սպառողներն անցել են նոր ժամանակացույցին, այսինքն՝ կրկնապատկել են ցուցանիշը։

«Կան մի քանի թաղամասեր, որտեղ դեռ խնդիրներ կան, օրինակ Սարի Թաղի ու Նորք–Մարաշի բարձրադիր տեղանքները։ Առաջիկա մեկ–երկու շաբաթում մենք այս թաղամասերում էլ կապահովենք նվազագույն ջրամատակարարում։ Մեր որոշմամբ պետք է այս գրաֆիկն ապահովեինք հաջորդ տարի, բայց ի ուրախություն մեզ՝ մենք արդեն հասել ենք դրան»,– ասաց «Երևան ջուր» ՓԲԸ Հաղորդակցության և հաճախորդների հետ փոխհարաբերությունների տնօրեն Գագիկ Մարգարյանը՝ մամլո այսօրվա ասուլիսի ժամանակ։

Նա ասաց նաև, որ «Երևան ջրի» հաջողությունները բազմաթիվ են։ Խոսքը վերջին հինգ տարիների բյուջետային ցանկի մասին է։ «Մենք ունենք ռեսուրսների մեծ խնայում, ջրամատակարարման շարունակականությունն ավելին է, քան նշված թիվը՝ 95,6 տոկոս է՝ 95–ի փոխարեն։ Ջրի կորուստը նույնպես նվազել է, իսկ դա ցանցի կառավարման ճիշտ աշխատանք է»,– հավելեց բանախոսը։