Հետաձգվել է Եգիպտոսի նախագահական ընտրությունների արդյունքների հրապարակումը

Եգիպտոսում կայացած նախագահական ընտրությունների երկրորդ փուլի արդյունքները նախատեսված ժամկետից ավելի ուշ կհրապարակվեն, հաղորդում է BBC–ն։ 

Ըստ օրենքի, ընտրությունների արդյունքները պետք է հրապարակվեին այսօր, մինչդեռ Կենտրոնական ընտրական հանձնաժողովը հայտարարել է, որ լրացուցիչ ժամանակ է անհրաժեշտ թեկնածուների կողմից ստացված բողոքները քննելու համար։

Երկու թեկնածուները՝ Մուհամեդ Մուրսին և Ահմեդ Շաֆիկը, ընտրությունների երկրորդ փուլում իրենց հաղթանակած են հռչակել, ինչի հետևանքով երկրում ժողովրդական բողոքի նոր ալիքի բարձրացման վտանգ կա։