Արցախի քարոզարշավը սկսվել է

Արցախի նախընտրական քարոզարշավը սկսվել է։ Նախընտրական առաջին օրը թեկնածուները, գործող նախագահ՝ Բակո Սահակյանը և Վիտալի Բալասանյանը հանդիպումներ են ունեցել տարբեր սոցիալական խմբերի հետ, տեղեկացում է Արցախի հեռուստատեսությունը։

Վիտալի Բալասանյանը իր առաջին հանդիպումը սկսել է Արցախի պետական համալսարանից և շարունակել քաղաքային ոստիկանության բակում՝ ոստիկանների հետ։ Հանդիպումների ժամանակ ԼՂՀ նախագահի թեկնածու Վիտալի Բալասանյանը ներկաներին է ներկայացրել իր նախըտրական ծրագիրը՝ պատասխանով նրանց հարցերին։

Նախագահի մյուս թեկնածու Բակո Սահակայնը իր առաջին հանդիպումը անցկացրել է զոհված ու անհայտ կորած ազատամարտիկների հարազատների, ինչպես նաև Հայրենական մեծ պատերազմի վետերանների հետ։

Հանդիպումը տևել է մոտ երեք ժամ, որի ընթացքում Բակո Սահակյանը ներկաների հետ խոսել է իր նախագահության 5 տարիների ընթացքում կատարված աշխատանքների մասին։ Նա նաև խոսել է իր հետագա անելիքներից։ Հանդիպման ժամանակ հիմնական հարցադրումները եղել են անձնական բնույթի։