Պիկասոյի «Նստած կինը» կտավը վաճառվել Է 8.5 միլիոն ֆունտ-ստեռլինգով

Պաբլո Պիկասոյի «Նստած կինը» կտավը Լոնդոնի Christie's աճուրդում վաճառվել Է 8.5 միլիոն ֆունտ ստեռլինգով (13.4 միլիոն դոլարով), հաղորդում է ИтаррТасс-ը:

1949 թվականին իսպանացու կողմից նկարված նկարը դարձել Է «Իմպրեսիոնիզմ եւ մոդեռնիզմ» շարքի (աճուրդը կայացել չորեքշաբթի ուշ երեկոյան) ամենաթանկ կտավը։

Դրա հետ մեկտեղ, աճուրդի գլխավոր «մարգարիտը»՝ Պիեր Օգյուստ Ռենուարի «Լողացող կինը» (1888), որը գնահատված Էր 18-ից մինչեւ 28 միլիոն դոլար, չի գտել իր գնորդին:

«Նստած կինը» կտավը վերագրվում Է Պիկասոյի ստեղծագործության հանգուցային շրջաններից մեկին: Վարպետի համար բնորդուհի է հանդիսացել նրա սիրուհի Ֆրանուազ Ժիլոնը: Նկարելու ժամանակ զույգը սպասում էր իրենց աղջկա՝ Պալոմայի լույս աշխարհ գալուն։

Պիկասոյի ևս մեկ կտավ՝ «Շնիկով տիկինը» (1962), վաճառվել Է 6.9 միլիոն ֆունտով (10.9 միլիոն դոլար): Կտավը, որի վրա պատկերված էր նկարչի 2-րդ կինը՝ Ժակլին Ռոկը և իրենց շուն Քաբուլը, հանդիսատեսին չէին ներկայացվում սկսած 1973 թվականից։

Անցած աճուրդնի ընթացքում սենսացիա էր բելգիացի սյուրռեալիստ Ռընե Մագրիտի «Ահռելի օրերը» (1928), որը վաճառվել է 7.2 մլն ֆունտով (11.3 մլն դոլար):

Աճուրդում ներկայացված 71 արվեստի գործերի ընդհանուր գումարային արժեքը կազմել է 92.5 մլն ֆունտ։