Առնո Բաբաջանյանի դաշնամուրային բոլոր ստեղծագործությունները` մեկ ձայներիզում

ՀՀ մշակույթի նախարարության աջակցությամբ Առնո Բաբաջանյանի դաշնամուրային մենանվագ ստեղծագործությունների ամբողջական հավաքածուն շուտով կներկայացվի հայաստանյան և միջազգային երաժշտասեր հանրության ուշադրությանը: Մեծանուն կոմպոզիտորի կողմից հեղինակային կատարումներից հետո իր ձևաչափով և ստեղծագործությունների հագեցվածությամբ սույն ձայներիզն առաջինն է, որը ներառել է «Վեց պատկեր», «Պոլիֆոնիկ սոնատ», «Պոեմ», «Մտորում» գործերը, ինչպես նաև` բոլոր մանրակտավ պիեսները: Բաբաջանյանական ստեղծագործությունների փայլուն կատարումով հանդես է գալիս անվանի հայ դաշնակահար Հայկ Մելիքյանը: