Թուրքիայի խորհրդարանը չի վավերացնի Ցյուրիխյան արձանագրությունները
Թուրքիա
«Ցյուրիխում Հայաստանի և Թուրքիայի միջև ստորագրված հայ–թուրքական արձանագրությունները Թուրքիայի խորհրդարանը չի վավերացնի»,– այս մասին հայտարարել է Թուրքիայի խորհրդարանի Արտաքին հարաբերությունների հանձնաժողովի նախագահ Վոլքան Բոզքիրը՝ նոյեմբերի 21-ին Բաքվում կայացած մամլո ասուլիսի ժամանակ։
«Ես այն մարդկանցից մեկն եմ, ով պատասխանատու է այդ արձանագրությունների վավերացման հարցում և ես կարող եմ ասել, որ դրանք չեն կարող վավերացվել»,- հայտարարել է Բոզքիրը։ Հաղորդում է REGNUM լրատվական գործակալությունը՝ հղում անելով TREND–ին։ Թուրք պաշտոնյան ընդգծել է, որ Ադրբեջանն ու Թուրքիան ոչ մի խնդիր չունեն և չեն էլ կարող լինել նման խնդիրներ։
Թուրքիայի խորհրդարանական պատվիրակությունը Բաքու է ժամանել նոյեմբերի 21-ին, որտեղ նախատեսված են մի շարք պաշտոնական հանդիպումներ։ Պատվիրակությունը հանդիպումներ կունենա Ադրբեջանի խորհրդարանի նախագահ Օքթայ Ասադովի և խորհրդարանի Արտաքին հարաբերությունների եւ միջխորհրդարանական հարաբերությունների հանձնաժողովի անդամների հետ։ Հանդիպումների ընթացքում կքննարկվի Ադրբեջան-Թուրքիա միջխորհրդարանական հարաբերությունների եւ դրանց հետագա զարգացման ուղիների վերաբերյալ հարցեր:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
