Թալիբանի զինյալները պատանդ են վերցրել Քաբուլում գտնվող հյուրանոցի անձնակազմը

Թալիբանի զինյալները հարձակվել են Աֆղանստանի մայրաքաղաք Քաբուլում գտնվող հյուրանոցի վրա, որից հետո փոխհրաձգություն է սկսվել աֆղանական և ՆԱՏՕ-ի ուժերի միջև, հաղորդում է CNN-ը:

Փոխհրաձգությունը տևել է մի քանի ժամ։ Ըստ Քաբուլի ոստիկանապետ Մուհամեդ Այուբ Սալանգիի, առնվազն 3 ոստիկան և մեկ թիկանպահ է զոհվել, ինչպես նաև սպանվել է թալիբան շարժման երեք գրոհային։

Ոստիկանությունը փրկել է 45 խաղաղ բնակչի: Ոստիկանները պաշարել են հյուրանոցը և այժմ փնտրում են ողջ մնացած բնակիչներին: Նրանք հաստատել են այն տեղեկությունը, որ գրոհայինները դեռ պատանդ են պահում տասնյակ մարդկանց:

Ըստ ՆԱՏՕ-ի միջազգային ուժերի ղեկավար գեներալ-մայոր Ադամ Վոժակի՝ գրոհի արդյունքում  զոհվել է նաև 3 ամերիկացի զինվոր:

Ինչպես հաղորդում է BBC–ն, քիչ առաջ թալիբանի գրոհայիններն ազատ են արձակել հյուրանոցում բոլոր պատանդներին։ 

Վերջին 7 օրվա ընթացքում թալիբան գրոհայինների կողմից սպանվել է 3 ամերիկացի զինվոր և 20 աֆղանցի։