Ի՞նչ է եղել Ցեղասպանության զոհերի ունեցվածքի վաճառքից գոյացած գումարը

Թուրքական պատմագիտական ընկերության հայկական բաժնի ղեկավար, իր հակահայկական դիրքորոշումներով ու հայտարարություններով հայտնի Քեմալ Չիչեքը հերթական վարկածն է առաջ քաշել։

Նա հայտարարել է, որ տեղահանության ժամանակ հայերի ունեցվածքի վաճառքից ստացված 5 մլն օսմանյան ոսկին Թուրքիան Առաջին համաշխարհային պատերազմից հետո որպես փոխհատուցում վճարել է հաղթող պետություններին։ Հաշվարկների համաձայն՝ այդ գումարն այժմ հավասար է 1.3 միլիարդ ֆունտ ստերլինգի։ 

Կարելի է ենթադրել, որ այս հայտարարությամբ թուրք պատմաբանը, ով ամեն ինչ անում է Հայոց ցեղասպանության ժխտման համար, պարզապես փորձում է Թուրքիային ազատել Ցեղասպանության զոհերի ժառանգներին փոխհատուցում տրամադրելու պարտավորությունից։