Գուցե ջուրը որպես ընտրակաշառք բաժանվել է գյուղացիներին. Վահան Հովհաննիսյան

Խորհրդարանի լսումների ժամանակ քննարկվող «Սևանա լճի մասին» եւ «Սևանա լճի էկոհամակարգի վերականգնման, պահպանման, վերարտադրման եւ օգտագործման միջոցառումների տարեկան եւ համալիր ծրագրերը հաստատելու մասին» ՀՀ օրենքներում լրացումներ կատարելու օրենքների նախագծերի քննարկման ժամանակ ՀՅԴ խմբակցության անդամ Վահան Հովհաննիսյանը հայտարարելով, որ ՀՅԴ-ն միանշանակ դեմ է քվեարկելու, ասաց.

«Զարմանու՞մ եք, թե ինչու ջրային ռեսուրսների դեֆիցիտ կա, պատասխանեմ. պատճառը ծառահատումներն են ու բնության ռեսուրսների անբարեխիղճ օգտագործումը։ Իսկ ինչո՞ւ են դատարկվել երկու ջրամբարները, ես չգիտեմ, մասնագետը չեմ, գուցե ջուրը որպես ընտրակաշառք բաժանվել է գյուղացիներին, իսկ այժմ ջրի սակավության խնդիր կա»։