Թիլերսոնի պաշտոնանկության պատճառով թուրք-ամերիկյան բանակցությունները կարող են հետաձգվել

Թուրքիայի արտգործնախարար Մևլութ Չավուշօղլուն ՌԴ արտգործնախարար Սերգեյ Լավրովի հետ համատեղ մամուլի ասուլիսում հայտարարել է, որ ԱՄՆ պետքարտուղար Ռեքս Թիլերսոնի պաշտոնանկության պատճառով սիրիական Մանբիջի շուրջ թուրք-ամերիկյան բանակցությունները կարող են հետաձգվել:

Այս մասին հայտնում է թուրքական gazeteduvar.com.tr-ն:

«Մարտի 19-ին նախատեսված հանդիպումը Թիլերսոնի պաշտոնանկության պատճառով կարող է հետաձգվել: Չնայած, որ Թիլերսոնը պաշտոնից հեռացավ թուրք-ամերիկյան հարաբերությունների ճգնաժամային փուլում, սակայն մենք ցանկանում ենք նոր արտգործնախարար Մայք Պոմպեոի հետ աշխատել նույնպիսի փոխըմբռնմամբ»,-հայտարարել է Չավուշօղլուն: