ՄԱԿ-ի Գլխավոր քարտուղարը հանդիպել է Իրանի նախագահին
Իրան
ՄԱԿ-ի Գլխավոր քարտուղար Բան կի Մունը հանդիպել է Իրանի նախագահ Մահմուդ Ահմադինեժադին, հաղորդում է ՄԱԿ–ի մամլո ծառայությունը։
Հանդիպումը տեղի է ունեցել Ռիո դե Ժանեյրոյում ընթացող Կայուն զարգացման համաշխարհային գագաթնաժողովի շրջանակներում։ Հանդիպման գլխավոր թեման եղել է Սիրիայում անկարգությունները, հաղորդում է RBC–ն։
Բան կի Մունը հայտարարել է, որ Իրանը պետք է դառնա Սիրիայի հարցով կոնտակտային խմբի անդամ։
Նախկինում նման կարծիք արտահայտել է Սիրիայի հարցով ԱՊԼ–ի և ՄԱԿ-ի հատուկ դեսպանորդ Քոֆի Անանը, ով նույնպես հայտարարել էր, որ «Իրանի մասնակցությունը կարող է կարևոր ներդրում ունենալ սիրիական խնդրի կարգավորման գործում»:
Ըստ Անանի մամլո քարտուղար Ահմադ Ֆազիի, Սիրիայի հարցով ՄԱԿ–ում միջազգային քննարկում կանցկացվի առաջիկա մի քանի շաբաթվա ընթացքում։
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
