93 կողմ, 12 դեմ. Սևանա լճի մասին խնդրահարույց օրենքն ընդունված է. Սևանը կկորցնի լրացուցիչ 150 մլն խորանարդ մետր ջուր

Այսօր ՀՀ ԱԺ-ն առաջին լսումով հաստատեց ՀՀ կառավարության ներկայացրած «Սևանա լճի մասին» եւ «Սևանա լճի էկոհամակարգի վերականգնման, պահպանման, վերարտադրման եւ օգտագործման միջոցառումների տարեկան եւ համալիր ծրագրերը հաստատելու մասին» ՀՀ օրենքներում լրացումներ կատարելու օրենքների նախագծերի բուռն քննարկումների առիթ դարձած փաթեթն ամբողջությամբ՝ 93 կողմ, 12 դեմ ձայների հարաբերակցությամբ։

Դրանից հետո վարման կարգի վերաբերյալ Վահան Հովհաննիսյանը հարցրեց Վարդան Այվազյանին, թե արդյոք նա կարո՞ղ է այնպես անել, որ Ենիսեյ գետը հոսի Հայաստանով։

Դրան ի պատասխան՝ Վարդան Այվազյանը ասաց. «Երբ դուք Բոսֆորը դարձնեք արյան ծով, այն ժամանակ էլ իմ օգնությամբ Ենիսեյը կհոսի Հայաստանով»։