Վանեսա Պարադին Ջոնի Դեփից բաժանվելու դեպքում կստանա ռեկորդային գումար

Դեփը ցանկանում է պահպանել ջերմ հարաբերությունները Պարադիի հետ, այդ պատճառով էլ «կփոխհատուցի» մեծ գումար։

Ֆրանսիացի հանրահայտ երգչուհին կստանա 157մլն դոլար։ Ռեկորդային քանակությամբ գումարը Պարադիին կտրվի Ջոնի Դեփի կողմից որպես փոխհատուցում ամուսնալուծության համար։ Ինչպես նշում է Комсомольская правда-ն, ամուսիններն ապրում էին քաղաքացիական ամուսնությամբ, ուստի հանրահայտ դերասանը ինքնակամ է գնացել նման մեծահոգության։ Բացի այդ էլ, Դեփը չի ցանկանում, որ 14 տարի համատեղ կյանքից հետո բաժանումը ծանր ազդեցքություն ունենա երեխաների՝ 9-ամյա Ջեքի և 14-ամյա Լիլի-Ռոուզի վրա։

49-ամյա Ջոնի Դեփը շատ լավ գիտակցում է, թե ինչքան դժվար է վերապրել բաժանումը, քանի որ նույնը տեղի է ունեցել իր ծնողների հետ, երբ նա դեռ երեխա է եղել։

Հիշեցնենք, որ Դեփը և Պարադին իրենց բաժանման մասին պաշտոնապես հայտարարել են երեքշաբթի օրը։ Մինչ այդ մեկ տարվա ընթացքում զույգը փորձում էր պահպանել իրենց հարաբերությունները, սակայն դա նրանց չհաջողվեց։

Բաժանման հիմնական պատճառը համարվում է խանդը, երբ դերասանը սիրախաղ սկսեց «Մռայլ ստվերներ» ֆիլմում իր գործընկերուհի Եվա Գրինի հետ։

Չնայած Դեփի մեծահոգությանը՝ զույգը ունեցվածքը կբաժանի դատարանի միջոցով։