«Սփյուռք» ամառային դպրոցի բացումը՝ հունիսի 25-ին

Հունիսի 25-ին՝ ժամը 10։00–ին, Երևանի պետական համալսարանի Մշակույթի կենտրոնի հանդիսությունների դահլիճում տեղի կունենա ՀՀ սփյուռքի նախարարության աթմառային դպրոցի բացումը։

ՀՀ սփյուռքի նախարարությունը Երևանի պետական համալսարանի հետ համատեղ 2012թ. կազմակերպում է «Սփյուռք» ամառային դպրոց:

Ծրագրի նպատակն է նպաստել Սփյուռքի հայ համայնքներում ազգային ինքնության պահպանմանն ու զորացմանը, հայկական կրթօջախների խնդիրների լուծմանը, աջակցել հայոց լեզվի իմացության մակարդակի բարձրացմանը, Սփյուռքի ԶԼՄ-ի գործունեությանը, ինչպես նաև, համայնքների ինքնակազմակերպմանը:

«Սփյուռք» ամառային դպրոցում դասընթացներն ընթանալու են հինգ ուղղություններով. հայոց լեզվի արագացված ուսուցում, սփյուռքի ուսուցիչների վերապատրաստման դասընթացներ, ազգային երգի ու պարի դասընթացներ, ազգային երգի ու պարի դասընթաց, երգի դասընթաց, սփյուռքի լրագրողների դասընթաց, սփյուռքահայ երիտասարդ առաջնորդների դասընթաց։

Հունիսի 25-ին դասընթացները սկսվում են հայոց լեզվի ուսուցման, ուսուցիչների վերապատրաստման և ազգային պարի պարուսույցների վարպետության դասընթացների խմբերում:

Հայոց լեզվի արագացված ուսուցմանը մասնակցում է 40, Սփյուռքի ուսուցիչների վերապատրաստման դասընթացներին՝ 12, Ազգային պարի դասընթացներ՝14 սփյուռքահայ՝ Ռուսաստանի Դաշնությունից, Ուկրաինաից, Բելառուսից, Վրաստանից, Ղազախստանից, Աբխազիայից, Էստոնիայից, Ֆրանսիայից, Ռումինիայից, Հոլանդիայից, Իրանից, Թուրքիայից, Սիրիայից, Լիբանանից:

Բացման հանդիսությանը ելույթ կունենան ՀՀ սփյուռքի նախարարը, ԵՊՀ ռեկտորը, գիտության, մշակույթի գործիչներ, դասընթացների մասնակից սփյուռքահայեր: