Միշտ էլ հաճելի է լինել առաջինը. Հենրիխ Մխիթարյան

ՀՖՖ Տեխնիկական կենտրոնում՝ Ֆուտբոլի ակադեմիայում, այսօր՝ մարտի 23-ին, Հայաստանի հավաքականի ավագ Հենրիխ Մխիիթարյանին հանձնվեց «Տարվա լավագույն ֆուտբոլիստ»-ի մրցանակը:

«Միշտ էլ հաճելի է լինել առաջինը։ Չեմ ժխտի, կասեմ՝ այսօր էլ հաճույքով ստացա այս պարգևը։ Կփորձեմ հաջորդ տարիների ընթացքում նույնպես լինել առաջինը՝ հարգելով իմ թիմակիցներին։ Ինձ չեմ համարում այնպիսի ֆուտբոլիստ, ով չունի մրցակից: Միշտ էլ փորձում եմ ինքս ինձ համար մրցակիցներ գտնել և մենամարտել նրանց հետ, ինչ-որ տեղ դա ավելի ուժեղ է դարձնում: Հավաքականում ունենք շատ լավ, շնորհալի ֆուտբոլիստներ. նրանց շնորհիվ է, որ կարողանում եմ լավագույնը դառնալ»,- լրագրողների հետ զրույցում ասաց ֆուտբոլիստը: 

Խոսելով առաջիկա ընկերական խաղերի և Ազգերի լիգայի մասին, հավաքականի ավագը հավելեց, որ կփորձեն ուրախացնել երկրպագուներին.

«Տրամադությունը միշտ էլ բարձր է, փորձելու ենք հաղթել այս երկու խաղերում, չնաայած, որ լինելու են մարտավարական փոփոխություններ, բայց դա ոչ մի կերպ չպետք է ազդի հաղթանակի ցանկության վրա և կփորձենք ուրախացնել մեր երկրպագուներին։ 

Պետք է կարողանանք այս ընկերական հանդիպումներից լավագույնը քաղել, որպեսզի պատրաստվենք արդեն Ազգերի լիգային։

Կարծում եմ, որ պաշտոնական հանդիպումներն ավելի հետաքրքիր են, քան ընկերական հանդիպումներ։ Սա շատ մեծ փորձ է մեզ համար։ Լինելու են նաև շատ մեծ դժվարություններ: Թող չթվա, թե շատ լավ խումբ ենք ընկել: Ներկայիս ֆուտբոլում չկան ուժեղ և թույլ մրցակիցներ. կան հավասարազոր մրցակիցներ, դրա համա փորձելու ենք ամեն ինչ անել, որ պատվով դուրս գանք և հաղթենք ամեն խաղում»,-ասաց Հենրիխ Մխիթարյանը: 

Ֆուտբոլիստը խոսեց նաև հավաքականի նորեկի՝ Բալեկյանի մասին և ասաց, որ վերջինս արդեն հարմարվել է թիմի հետ. «Բալեկյանի մասին շատ լավ կարծիք ունեմ, շատ լավ է մերվել հավաքականի մարզումներին, հուսով ենք, որ խաղերում մեզ շատ մեծ օգուտ կտա»։