Մանուկ Վարդանյանն ընդունել է Հուլին Ժաոյին
Աշխարհ
ՀՀ տրանսպորտի և կապի նախարար Մանուկ Վարդանյանն այսօր ընդունել է Հեռահաղորդակցության միջազգային միության (ITU) գլխավոր քարտուղարի տեղակալ Հուլին Ժաոյին:
Նախարարը շնորհակալություն է հայտնել բարձրաստիճան հյուրին՝ հեռահաղորդակցության ոլորտում Հայաստանին աջակացելու համար:
Մ. Վարդանյանը մեծ ձեռքբերում է համարել մի շարք կառույցների, այդ թվում՝ Հեռահաղորդակցության միջազգային միության նախաձեռնությամբ, կույր և վատ տեսողություն ունեցող անձանց համար ինտերնետային հասանելիության կենտրոնի ստեղծումը, ինչը հնարավորություն կտա տեսողության խնդիրներ ունեցող մարդկանց շփվել արտաքին աշխարհի հետ:
Նախարարը նաև անդրադարձել է Հեռահաղորդակցության միջազգային միության կողմից կիբերանվտանգության խնդիրներին աջակցելու և տեսակոնֆերանսների համար համապատասխան կահավորանքի տրամադրման հարցերին:
ITU գլխավոր քարտուղարի տեղակալ Հուլին Ժաոն նշել է, որ հեռահաղորդակցության ոլորտում Հայաստանը, անցած տարվա համեմատ, ԱՊՀ տարածաշրջանում ամենադինամիկ զարգացումն ու արդյունքներն է արձանագրել: Ըստ Հուլին Ժաոյի՝ Հայաստանն իր ցուցանիշներով այս տարի առաջ է անցնել Ադրբեջանին, Չինաստանին և Թաիլանդին:
Հանդիպման ընթացքում երկուստեք քննարկել են հետագա համագործակցության ծրագրերը:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
