«Հրապարակ». Աժ-ում բոլոր ընդմիջումները Տիգրան Սարգսյանն անցկացրել է իր «նապարնիկ» Հովիկ Աբրահամյանի սենյակում
Հայկական Մամուլ
Պարզվում է` ՀՀԿ-ն իսկապես «հավատացել ու փոխվել» է. Աժ-ում կառավարության ծրագրի քննարկման բոլոր ընդմիջումները Տիգրան Սարգսյանն անցկացրել է իր «նապարնիկ» Հովիկ Աբրահամյանի սենյակում, նրա հետ «ջան ասել-ջան լսել», ինչը տեսարժան է այն առումով, որ նախկինում Տիգրան Սարգսյանն ընդհանուր միջանցքով գալիս-մտնում էր դահլիճ` մասնակցելու կառավարություն-ԱԺ հարցուպատասխանին, ու նույն ճամփով էլ վերադառնում էր կառավարություն: Մեկ այլ ավանդույթ էլ խախտվեց կառավարության ծրագրի հաստատման օրը՝ հիմնված Անդրանիկ Մարգարյանի կողմից. տարիներ շարունակ ՀՀԿ-ն կառավարության ծրագրի քվեարկությունից անմիջապես հետո հավաքվում էր կոալիցիայի սենյակում՝ շնորհավորում, մեկ բաժակ կոնյակ էր ըմպում: Այս անգամ այդպես չեղավ: Ոչ թե այն պատճառով, որ Տիգրան Սարգսյանը հետևել էր իր պապի խորհրդին ու չէր ցանկացել ընկերություն անել չխմող մարդկանց հետ (գաղտնիք չէ, որ Հովիկ Աբրահամյանը չխմողների դասից է), ինչպես թերթի թղթակցին են բացատրել ՀՀԿ-ից՝ զուտ տեխնիկական պատճառներով դա հնարավոր չի եղել, որովհետև ծրագրի քվեարկությունից անմիջապես հետո Աժ արտահերթ նիստն է սկսվել, և դահլիճից բացակայել հնարավոր չի եղել: «Դեռ կխմենք»,- ասել են:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
