«Երկիր». Այլևս ոչնչից չենք զարմանում. Արմեն Մարտիրոսյան

Մեր երկրում այնքան աննորմալ երևույթներ կան, որ մեկը ավել, մեկը` պակաս, ոչինչ չի փոխվում: Մեր կառավարման համակարգն այնպիսին է, որ նմանատիպ դեպքերից մենք այլևս չենք զարմանում, չենք զարմանում, օրինակ, երբ մարզպետը կին է ծեծում և շարունակում է պաշտոնավարել: Կառավարման այս համակարգում նմանատիպ երևույթները միշտ լինելու են, ու նրանք չեն պատժվելու, որովհետև հենց իրենք են, որ իշխանությունը պահում են, հենց իրենք են, որ հնարավորություն են ընձեռնում արդարադատության համակարգի ներկայացուցիչներին բիզնեսով զբաղվել: Այս ամբողջ շղթայական օղակի մեջ պետք է այս ամենը դիտարկենք: Եթե որևէ մեկը կտրի այդ գորդյան հանգույցը, ապա ամբողջ միասնությունը կփլուզվի: Դրա համր էլ մեկը մյուսին պաշտպանում են: Այս մասին «Երկիր»-ի հետ զրույցում ասել է «Ժառանգություն» կուսակցության վարչության փոխնախագահ Արմեն Մարտիրոսյանը: