Սիրիան ոչնչացրել է թուրքական ռազմական օդանավը

Ինչպես երեկ տեղեկացրել էր Լուրեր.com-ը, Թուրքիայի ռազմաօդային F-4 ուժերի պատկանող օդանավ էր անհետացել ռադիոտեղորոշիչների տեսադաշտից՝ Միջերկրական ծովի հարավ-արևելյան մասում գտնվող Սիրիային սահմանակից Հաթայ նահանգի տարածքում:

Սիրիան հաստատել է, որ թուքական օդանավը խփվել է իր միջոցներով: Պետական «ՍԱՆԱ» գործակալությունը տարածել է պաշտպանության նախարարության հաղորդագրությունը:

Ծովափից 1 կմ հեռավորության վրա գտնվող օդանավի ուղղությամբ կրակ է արձակվել: Օդանավն ընկել է ծովը՝ ափից 10 կմ հեռավորության վրա, Սիրիայի ջրերում, ընդգծել են պաշտպանության նախարարության ներկայացուցիչները:

Ավելի ուշ հաստատվել էր, որ ոչնչացված թիրախը թուրքական ռազմական օդանավ է եղել: Օդանավի անկման վայրում որոնողափրկարարական աշխատանքներ են տարվում, որին մասնակցում են սիրիական եւ թուրքական զինվորականները: Օդանավի երկու օդաչուների մասին դեռեւս ոչինչ հայտնի չէ:

Ավելի ուշ տեղեկություն էր հայտնվել, որ տեղի բնակիչները տեսել էին՝ ինչպես է խփվել օդանավը: Ապա հաղորդագրություն էր հայտնվել Թուրքիայի վարչապետ Էրդողանից, որում սիրիական իշխանությունները ներողություն են խնդրել օդանավը խփելու համար: Հաղորդվել էր, որ օդաչուներին փրկել են:
Սակայն հունիսի 22-ի երեկոյան հատուկ մամլո ասւլիսում Թուրքիայի վարչապետ Ռեջեփ Թայափ Էրդողանը հերքել էր այդ լուրերը: Կատարվածի հետ կապված՝ Թուրքիայի կառավարությունը հունիսի 22-ի երեկոյան արտահերթ խորհրդակցություն է գումարել ռազմական հրամանատարության մասնակցությամբ:

Խորհրդակցությունից հետո Էրդողանը հայտարարել է, որ «Թուրքիան կհայտնի իր դիրքորոշումը եւ անհրաժեշտ քայլեր կձենարկի, երբ կատարվածի բոլոր հանգամանքները պարզվեն»: