Բոլիվիայի բողոքավոր ոստիկանները հարձակվել են հետախուզական ծառայության շենքի վրա

Մեխիկոյում Բոլիվիայի ոստիկանության հարյուրավոր ծառայողներն իրենց կանանց հետ, ովքեր մասնակցում էին բողոքի ցույցի աշխատավարձերի բարձրացման պահանջով, ուրբաթ երեկոյան հարձակվել են Լա-Պասեում գտնվող ոստիկանության հետախուզական ծառայության շենքի վրա և գրավել այն, հայտնում է Televisa հետուստաընկերությունը։

Ականատեսների խոսքով, ցուցարարները մտել են շենք ու այրել հետախուզական ծառայության բոլոր արխիվները, ինչպես նաև ջարդել բոլոր համակարգիչներն ու կահույքը։

Սույն մասնաշենքում էր գտնվում նաև Ինտերպոլի ծառայության գրասենյակը և ոստիկանության կարգապահական տրիբունալը, որոնք նույնպես տուժել են ցուցարարների անկարգություններից։ Այս ամենը կատարվել է նախագահական նստավայրից շուրջ100 մետրի վրա։

Վառվող արխիվների ծուխն ամբողջությամբ պատել էր շենքը, բռնկվել էր հրդեհ։ Ցուցարարների խռովության հետևանքով Բոլիվիան ամբողջությամբ մնացել էր առանց իրավապահ մարմինների պաշտպանության ու օժանդակության։

Ոստիկանները պահանջում են նվազագույն աշխատավարձ սահմանել 2000 բոլիվիանո, որը համարժեք է 290 ԱՄՆ դոլարի և թոշակ հատկացնել միջին աշխատավարձի 100%-ի չափով։ Այնինչ ոստիկանների նվազագույն աշխատավարձը կազվում է 178 դոլար, իսկ 39 տարվա աշխատանքայի փորձ ունեցող ոստիանության սպայի աշխատավարձը չի անցնում 402 դոլարի սահմանագիծը։

Դեռևս 2003 թվականին աշխատավարձերի բարձրացման պահանջով խռովությունը ողբերգական հետևանք է ունեցել, երբ ոստիկանների և զինվորական ստորաբաժանումների բախումների հետևանքով մահացել է 13 մարդ։