Կատուն կոտրել է աշխարհի ամենախոշոր հավկիթը

Աշխարհի ամենախոշոր հավկիթն այդպես էլ չի գրանցվել Գինեսի ռեկորդների գրքում, քանի որ կատուն կոտրել է այն:

Ամենայն հավանականությամբ, դա երբևէ ածված ամենախոշոր հավկիթն էր: Այն ածել էր մնացած հավերից ոչնչով չտարբերվող հավը: Հավի տիրուհու՝ Յուլիա Գայովիչի խոսքերով, դեպքի օրը հավն իրեն փոքր-ինչ տարօրինակ է պահել և չի գտել իր տեղը: Որոշ ժամանակ անց թաքնվել է բակում և ածել 8x6.5-սմ-անոց և 204 գրամանոց հսկա հավկիթ:

Համեմատելու համար նշենք, որ այլ սովորական հավկիթները կշռում են 50-70 գրամ: