Հոնկոնգյան պարբերականի լրագրողները մեղադրում են գլխավոր խմբագրին Չինաստանին սատարելու մեջ

Հոնկոնգյան անգլալեզու South China Morning Post պարբերականի լրագրողները խնդրագիր են ներկայացրել իրենց գլխավոր խմբագրին՝ պահանջելով բացատրել, թե ինչու իրենց պարբերականը գրեթե չի լուսաբանել չինացի իրավապաշտպանի հետ կապված պատմությունը, որի մահվան լուրը լուրջ հասարակական արձագանք էր ստացել։

Նշենք, որ խոսքը չինացի Լի Վան Յուանի մասին է, որին կախված էին գտել իր հիվանդասենյակում՝ ընդամենն օրեր անց այն բանից հետո, երբ նա հրապարակավ խոստացել էր շարունակել պայքարը Չինաստանում ժողովրդավարության հաստատման համար։

Չինական իշխանությունները հայտարարել են, որ իրավապաշտպանն ինքնասպանություն է գործել, սակայն Հոնկոնգում շատերը չեն հավատում այդ վարկածին՝ համարելով, որ նա սպանվել է։ Լի Վան Յուանը կույր է եղել և բանտում 20 տարի անցկացնելուց հետո մեծ դժվարությամբ է տեղաշարժվել։

South China Morning Post–ի լրագրողների պնդմամբ՝ թերթի խմբագրությունը գիտակցաբար խուսափել է լուսաբանել Լի Վան Յուանի մահը՝ Չինաստանի իշխանություններին չնեղացնելու համար այն դեպքում, որ հոնկոնգյան մյուս թերթերը գրել են չինացի իրավապաշտպանի գործի հետ կապված բոլոր մանրամասները։