Ջոնի Դեպի ընտրյալը բիսեքսուալ է

Ամերիկյան մամուլում Ջոնի Դեպի և Վանեսսա Պարադիի՝ մեծ աղմուկ բարձրացրած ամուսնալուծության պատճառը, պարզվում է, Դեպի նոր կիրքն է։ Ըստ ամերիկյան մամուլի՝ 49-ամյա Դեպը սիրավեպ է սկսել 26-ամյա ամերիկացի դերասանուհի և մոդել Ամբեր Լորա Հերդի հետ, որը, որոշ աղբյուրների փոխանցմամբ, բիսեքսուալ կյանք է վարում։ Հենց նա է եղել պատճառը, որ Դեպն անցած շաբաթ հայտարարել է այն մասին, որ բաժանվում է 14 տարի իր քաղաքացիական կինը եղած Վանեսսա Պարադիից։

Հերդը պարբերաբար այցելում է Դեպին Նյու–Մեքսիկոյում, որտեղ տեղի են ունենում «Միայնակ ռենջերը» (The Lone Ranger) ֆիլմի նկարահանումները։ Նրանք միասին զվարճանում են, այցելում հասարակական վայրեր, ինչը հաստատում են նաև պապարացիների լուսանկարները։