«Առավոտ». Դեռ ժամանակ ունեն

««Եթե պարոն Մուկուչյանը նոր է փորձում առնչվել ընտրությունների հետ, մենք արդեն 20 տարի է՝ ընտրությունների մեջ ենք:

Վերջին 3-4 համապետական ընտրություններին իշխող կոալիցիան կամ կուսակցությունն ընդամենը ֆիքսել է այդ ընտրությունը՝ շնորհիվ կեղծված ընտրացուցակների»,- երեկ «Առավոտի» հետ զրույցում հակադարձելով ԿԸՀ նախագահ Տիգրան Մուկուչյանի՝ վերջերս հաճախ հնչող պնդումներին, թե ընտրացուցակներն առաջիկա համապետական ընտրություններում չեն կարող կարծիքների պարարտ հող դառնալ, ասաց ՀԱԿ անդամ, ՀԼԿ կուսակցության նախագահ Հովհաննես Հովհաննիսյանը: «Հիմա եթե նորից փորձում են գնալ այդ ճանապարհով, ապա ոչ իշխանությանը, ոչ երկրին այդ ճանապարհը եկեղեցի չի տանում: Կարծում եմ՝ թե իշխանությունը, թե պարոն Մուկուչյանը դեռ ժամանակ ունեն վերանայելու իրենց մոտեցումները»,- հավելեց նա»,- գրում է թերթը: