Երկրագնդի ամենաանհյուրընկալ 8 վայրերը

Շատերը հետաքրքվում են հարմարավետ ու գեղեցիկ վայրերով, որոնք գերում են միլիոնավոր զբոսաշրջիկների, սակայն Երկրի վրա կան վայրեր, ուր մեկնելն անցանկալի է։ Մարդիկ խուսափում են այդ վայրերից՝ մի քանի պատճառներից ելնելով. աղտոտվածություն, էքստրեմալ եղանակային պայմաններ և բնության անոմալ երևույթներ։ Չնայած դրան, էքստրեմալ հանգստի որոշ սիրահարներ գուցե ցանկություն կունենային գտնվել այդ վայրերում։

Ներկայացնում են Երկրագնդի ամենաանհյուրընկալ վայրերից ութը.

1) Գյուղ Օյմյանկոն, Ռուսաստանի Դաշնություն

բնակչությունը՝  472 մարդ

Ռուսաստանի Դաշնության Յակուտսկի երկրամասում գնվող Օյմյանկոն գյուղն ունի կասկածելի կարգավիճակ, քանի որ այն համարվում է երկրի վրա ամենացուրտ բնակավայրը, որը շղթայված է երկու լեռներով, որոնք մշտապես պահպանում են սառնաշունչ օդը։ Ձմռանը միջին ջերմաստիճանը -50 C է, իսկ տարեկան 7 ամիս շարունակ ջերմաստիճանը չի բարձրանում +2 C աստիճանից։ Չնայած այս պայմաններին, բնակչության թվաքանակը միշտ մնում է հաստատուն։

2) Մայլուու Սուու քաղաք, Ղրղզստան

Բնակչությունը՝ 20 000 մարդ

Հանքարդյունաբերությունը, որը ժամանակին ծաղկեցնում էր քաղաքը, այսօր նվազել է, ինչը քաղաքը տնտեսական անկման է հանգեցրել։1940-ից 1960 թվականները հարստացված ուրանի 10000 տոննա թափոնները ողջ քաղաքը հասցրել են էկոլոգիական աղետի։ Գետը, որի ջուրը նախկինում խմելու ջրի աղբյուր էր, այժմ զրկվել է բուսականությունից և կենդանական աշխարհից։ Այժմ այդ քաղաքը մտնում է աշխարհի ամենակեղտոտ քաղաքների տասնյակի մեջ։

3) Դալլոլ, Եթովպիա

Բնակչություն՝ ամենայն հավանականությամբ 0

Դալլոլում է գտնվում աշխարհի ամենացածր հրաբուխը։ Դալլոլը համարվում է քաղաքակրթությունից հեռու վայրերից մեկը, այնտեղ է արձանագրվում ողջ աշխարհում ամենաբարձր ջերմաստիճանը։ Այս տարածքում առաջ բնակավայր է եղել, սակայն այժմ այն լքված է։

4) Պրիպյատ քաղաք, Ուկրաինա

Բնակչությունը՝  0 

Նախկինում այստեղ ապրել է շուրջ 50 հազար մարդ, դրա մասին են վկայում բարձրահարկ ուրվական-շենքերը։ Քաղաքը լիովին դատարկվել է մոտակայքում գտնվող Չերնոբիլի ատոմակայանի պայթյունից հետո։ Չնայած, որ ռադիացիայի մակարդակը 26 տարվա ընթաքում բավականին իջել է, այնտեղ վերաբնակեցումն անցանկալի է։

5) Լինֆեն քաղաք, Չինաստան

Բնակչությունը՝ 4 316 612 մարդ

Կարող է զարմանալի թվալ, որ նման շատ բնակչություն ունեցող քաղաքը կարող է լինել անհյուրընկալ, սակայն փաստ է, որ ածխահանքի արդյունաբերության պատճառով քաղաքը մտնում է երկրագնդի ամենակեղտոտ ու փոշոտ քաղաքների տասնյակի մեջ։

6) Չերեփունջի, Հնդկաստան

Բնակչությունը՝ 14 816 մարդ

Բարի գալուստ աշխարհի ամենաանձրևաշատ քաղաք, ուր տեղումների տարեկան միջին նորման 11,777 մմ է։

7) Նորիլսկ քաղաք, Ռուսաստանի Դաշնություն

Բնակչությունը՝ 175 301 մարդ

Գուցե առաջին հայացքից Նորիլսկ քաղաքը հաճելի կարող է թվալ, սակայն Սիբիրի հյուսիսային մասում իր անհարմար դիրքի և աղտոտվածության բարձր մակարդակի պատճառով համարվում է ոչ նպաստավոր։ Քաղաքը հիմադրվել է 1920-ականներին, որպես օգտակար բրածոների հայթայթման վայր, իսկ այժմ այն համարվում է աշխարհի ամենակեղտոտ քաղաքներից մեկը։

8) Լա-Օրոյա, Պերու

Բնակչությունը՝ 33 000 մարդ

Երեխաների 99%-ի արյան մեջ կապարի բաղադրությունը նորմայից բազմակի բարձր է։ Մետալուրգական կոմբինատը, որը տեղակայված է քաղաքի կենտրոնում և չնայած մարդկանց ապահովում է աշխատատեղերով, աղտոտվածության հիմանական աղբյուրն է։ Լա-Օրայան նույնպես համարվում է երկրագնդի ամենաաղտոտված քաղաքներից մեկը։