WikiLeaks–ի հիմնադիրը ԱՄՆ չարտաքսվելու երաշխիքներ է պահանջում. Sidney Morning Herald

WikiLeaks կայքի հիմնադիր Ջուլիան Ասանժը Շվեդիայի իշխանությունիցը երաշխիքներ է պահանջել առ այն, որ իրեն չեն հանձնի ԱՄՆ–ին՝ կապված ԱՄՆ–ի պետական գաղտնի փաստաթղթերի հրապարակման սկանդալային գործի հետ։ Այդ մասին Ասանժը հայտնել է ավստրալական The Sydney Morning Herald թերթին տված հարցազրույցում։ 

Նա նաև առաջարկել է, որ ԱՄՆ–ի իշխանության կողմից այդ գործի քննության կասեցումը բավարար երաշխիք է հանդիսանում իր համար։  

«Առաջին հերթին, ամեն ինչ կախված է նրանից, թե ինչ երաշխիքներ կտրամադրի ԱՄՆ–ն, Միացյալ Թագավորությունը և Շվեդիան»,– ասել է նա թերթին տված հարցազրույցում, որը տեղի է ունեցել Լոնդոնում Էկվադորի դեսպանատանը։ Ասանժն այդ երկրի իշխանությանը քաղաքական ապաստան խնդրելու դիմում է ներկայացրել, ինչի պատճառով Էկվադորի իշխանությունը Լոնդոնում իր դեսպանին հետ է կանչել խորհրդակցություններ անցկացնելու համար։

Ավելի վաղ, Ավստրալիայի վարչապետ Ջուլիա Գիլարդը խոստացել էր խորհրդատվական աջակցություն ցուցաբերել Wikileaks–ի հիմնադիր Ջուլիան Ասանժին Էկվադորում քաղաքական ապաստան ստանալու շրջանակներում։ 

Գիլարդն իր որոշումը բացարտել է, որ «Ավստրալիայի իշխանությունն իր քաղաքացուն ԱՄՆ–ի իշխանությանը հանձնելու որոշում կկայացնի այն դեպքում, երբ նրան մահապատժի ենթարկելու սպառնալիք լինի», և նշել է, որ նա մեղադրվում է «սեռական բնույթի հանցագործությունում, որի համար մահապատժի վտանգ չկա»։ 

Wikileaks–ի հիմնադրին սպառնում է Մեծ Բրիտանիայից Շվեդիայի իշխանությանը հանձնելու վտանգ, որտեղ նրան մեղադրում են երկու կանանց նկատմամբ սեռական բռնություն գործադրելու գործում։ Ավստրալացին հերքում է իր դեմ ուղղված մեղադրանքը։