Եգիպտոսի նորընտիր նախագահը ցանկանում է ընդլայնել Իրանի հետ կապերը

Եգիպտոսի նորընտիր նախագահ Մուհամեդ Մուրսին իրանական Fars լրատվական գործակալությանը տված հարցազրույցում հայտնել է, որ մտադիր է ընդլայնել Իրանի հետ հարաբերությունները տարածաշրջանում ռազմավարական հավասարակշռություն ստեղծելու և պահելու համար։ 

«Դա կհակակշռի տարածաշրջանի վրա ճնշումները, և դա իմ ծրագրի մի մասն է կազմում», – ասել է Մուրսին Եգիպտոսի նախագահական ընտրությունների երկրորդ փուլի արդյունքները պաշտոնապես հրապարակելուց հետո։