Անդունդի բացումը՝ վաղը

Երևանում եռաչափ պատկերներով ձևավորված սալահատակով առաջին հրապարակը վաղվանից բաց կլինի երևանցիների համար։ 

«Երազանքների պատ» միջոցառման շրջանակներում երևանցիներից շատերի ցանկությունը հենց այդպիսի հրապարակ ունենալն էր։ Երևանի քաղաքապետարանի, «Ամերիաբանկի» և BB Media գործակալության ջանքերով եռաչափ պատկերներով զարդարվել է Շառլ Ազնավուրի անվան հրապարակը։

Հրապարակի ձևավորման աշխատանքների համար Գերմանիայից հրավիրվել է հայտնի գերմանացի եռաչափ (3D) նկարիչ Նիկոլայ Արնդտը։ «Մոսկվա» կինոթատրոնի դիմաց նկարիչի աշխատանքը կոչվում է «Անդունդ»։ Աշխատանքը կատարվել է բարձրորակ նյութերով, ինչը մեզ հնարավորություն կտա մի քանի ամիս վայելել այն մեր քաղաքում։

Վաղը՝ ժամը 16.30-ին, Երևանի բնակիչներն ու հյուրերը կարող են գնահատել Արնդտի աշխատանքն ու վայելել Երևանում առաջին 3D սթրիթ-արտը։