Վերջին 10 տարիների ամենամեծ արտագաղթը

«Այս տարվա 10 ամիսներին բոլոր տրանսպորտային միջոցներով Հայաստանից մեկնողների թիվը ժամանողներից ավելի է 81 հազար 499-ով: Տվյալը հրապարակել է ՀՀ տարածքային կառավարման նախարարության միգրացիոն պետական ծառայությունը:

Սա առնվազն վերջին տասը տարվա կտրվածքով աննախադեպ բարձր ցուցանիշ է: Անցած տարվա նույն ժամանակահատվածում մեկնողների թիվը ժամանողներից ավելի է եղել 58 հազար 248-ով, 2009-ին՝ 54 հազար 349-ով, 2008-ին՝ 63 հազար 275-ով: 2007-ից մինչև 2002-ը, առաջին տասն ամիսների կտրվածքով, մեկնողների թիվը ժամանողներից ավելի է եղել 78 հազար 764-ով: Այսինքն, առկա թվերը վկայում են, որ այս տարվա արտագաղթի ցուցանիշները լինելու է 2001-ից հետո ամենամեծը»,- գրում է «Հայկական ժամանակ»-ը: