Ադրբեջանի ԱԳՆ-ն իր քաղաքացիներին հորդորում է լքել Սիրիան

Ադրբեջանը Սիրիայում գտնվող իր քաղաքացիներին հորդորել է լքել Սիրիան, հաղորդում է 1news.az–ը։

Սիրիայում Ադրբեջանի դեսպանատունը հայտնել է, որ հունիսի 15-ի տվյալներով՝ Դամասկոսում Ադրբեջանի դեսպանատանը գրանցվել են այդ երկրում բնակվող շուրջ 60 ադրբեջանցիներ: Այդ մասին լրագրողներին ասել է Ադրբեջանի արտաքին գործերի նախարարության մամլո քարտուղար Էլման Աբդուլաևը:

Նրա խոսքով, դեսպանատունն իր քաղաքացիներին հորդորում է լքել Սիրիան:

Հիշեցնենք, որ ավելի քան մեկ տարի է՝ Սիրիայում չեն դադարում նախագահ Բաշար Ասադի ռեժիմի դեմ ընդդիմության բողոքի ցույցերը, որոնք պահանջում են Ասադի հրաժարականը։ Սիրիայում ստեղծված քաղաքական ճգնաժամի պատճառով բազմաթիվ երկրներ Սիրիայում գտնվող իրենց քաղաքացիներին հորդորում են լքել Սիրիայի տարածքը։