Սիրիայի բանակի մի քանի բարձրաստիճան պաշտոնյաներ փախչել են Թուրքիա

«Սիրիական բանակի մի քանի բարձրաստիճան պաշտոնյաներ՝ գեներալ, երկու գնդապետ, երկու մայոր և 30 սպա, փախչել են Թուրքիա»-, հաղորդում է Hurriyet Daily News–ը։

Բարձրաստիճան զինվորականները եղել են 200 հոգանոց խմբի կազմում, որոնք այս գիշեր Սիրիա–Թուրքիա սահմանը հատել են և անցել Թուրքիայի Հաթայ նահանգ։

Սիրիայում 2011 թ.-ի մարտից սկսված՝ հակակառավարական բողոքի ցույցերի ընթացքում Սիրիա–Թուրքիա սահմանը հատել է ավելի, քան 33 հազար սիրիացի։ 

Թուրքիայի իշխանությունը բացահայտ պաշտպանում է Սիրիայի ընդդիմությանը։ Երկու երկրների միջև հարաբերությունները ավելի սրվեցին այն բանից հետո, երբ Սիրիայի օդուժը վերացրեց թուրքական բանակի F-4 Phantom կործանիչը։