Թունիսի դատարանը մերժել է «Մերկ Մուհամեդի» հեղինակի հայցը

Թունիսի դատարանը իրավաչափ է համարել Մուհամեդ մարգարեի՝ համացանցում տեղադրված ծաղրանկարներից մեկի հեղինակ Ջաբեուր Մեջրիի նկատմամբ ավելի վաղ կայացված դատավճիռը՝ նրան 7 տարով ազատազրկելու վերաբերյալ: 

Մերկ մարգարեի նկարները տեղադրվել են Մեջրիի և նրա ընկերոջ՝ Գազի Բեջիի ֆեյսբուքյան էջերում այս տարվա մարտին, ինչից հետո նրանց մեղադրանք է ներկայացվել:

Բեջին դատապարտվել է հեռակա կարգով, քանի որ, որոշ տեղեկությունների համաձայն, նա թաքնվել է Եվրոպայում:

Human Rights Watch կազմակերպության իրավապաշտպանները հանդես են եկել դատավճռի քննադատությամբ և իրենց մտահոգությունն են հայտնել այդ կապակցությամբ: