«Հայկական Ժամանակ». Լճավանի բնակիչներն այդպես էլ չեն ստացել կառավարության կողմից փետրվարին խոստացված էժան պարարտանյութը

Գեղարքունիքի ճարզի Լճավան գյուղի բնակիչներն այդպես էլ չեն ստացել ՀՀ կառավարության կողմից դեռևս այս տարվա փետրվարին խոստացված էժան պարարտանյութը, չնայած անհրաժեշտ գումարը լճավանցիները նախապես վճարել են:

Երեկ շուրջ 50 լճավանցիներ հավաքվել են նախագահական նստավայրի դիմաց և փորձել են ՀՀ ղեկավարությանը համոզել, որպեսզի իրենց հասանելիք պարարտանյութը վերջապես տան: Ազոտական պարարտանյութի 50 կիլոգրամանոց պարկը 6 հազար դրամով գյուղացիներին տրամադրելու ՀՀ կառավարության ծրագիրը ավարտվել է դեռևս մայիսին: Իսկ ինչո՞ւ են լճավանցիները նման վերաբերմունքի արժանացել, այդ ո՞ր «մեղքի» համար են ՀՀ իշխանությունները որոշել նրանց նման ձևով պւստժել: Պարզվում է, Լճավանը Գեղարքունիքի այն եզակի գյուղերից է, որտեղ մայիսի 6-ի խորհրդարանական ընտրություններում իշխող ՀՀԿ-ն պարտվել է: Աժ ընտրությունների պաշտոնական արդյունքներով էլ Լճավանում ամենաշատ՝ 122 քվե ստացել է ԲՀԿ-ն, իսկ ՀՀԿ-ի օգտին տրված քվեաթերթիկների թիվը եղել է 105: