«Հրապարակ». Վահե Ավետյանի առողջական վիճակն ավելի վատ է, քան ներկայացվում է

ՊՆ կենտրոնական հոսպիտալի «ԼՈՌ» բաժանմունքի պետ, մայոր Վահե Ավետյանի առողջությունը մնում է հասարակության ուշադրության կենտրոնում: Այս օրերին մայրաքաղաքում լուրեր են պտտվում, որ բժշկի առողջական վիճակի մասին պաշտոնական տեղեկությունները ճիշտ չեն, և «Հարսնաքարում» գազանաբար  ծեծված բժշկի վիճակն ավելի վատ է, քան ներկայացվում է:

Երեկ թերթը հոսպիտալի բժիշկներից տեղեկացել է, որ այս շաբաթվա ընթացքում որևէ փոփոխություն դեպի լավը չկա: Վահե Ավետյանն ապրում է շնչառական ապարատի հաշվին, և նրա վիճակը շարունակում է մնալ ծայրահեղ ծանր: