Որքա՞ն կալորիա է սպառվում սեքսի ժամանակ

Դժվար է պատկերացնել կալորիները սպառելու ավելի հաճելի եղանակ, քան սեքսն է։ Շատերը կփոխարինեին ամենօրյա վազքը սիրային խաղերով։ Սակայն իսկապե՞ս սեքսը ունակ է ազատել ավելորդ կալորիաներից։

Գիտնականները փորձում են պատասխան գտնել՝ հաշվելով, թե քանի կալորիա է սպառվում սեքսի ժամանակ, քանի որ միաժամանակ փաստ է, որ սեքսն առողջության համար անփոխարինելի բաղադրատոմս է համարվում։

Սեքսի ժամանակ կալորիաները սպառելու միջոցներ.

Մարդկանց մեծամասնությունը սեռական ակտի ժամանակ սպառում է 100-ից 200 կիլոկալորիա, սակայն կան միջոցներ ծախսվող կալորիաների թիվը ավելացնելու համար։

Համբույրներ

Անդադար համբուրվեք։ Անկախ նրանից, թե ինչ աստիճանի կրքոտությամբ են ուղեկցվում համբույրները, դուք կարող եք կորցնել մինչև 5 կիլոկալորիա։ Կրքոտ համբույրները կարող են սպառել մեկ ժամում 85 կիլոկալորիա։

Մերկացում

Գուցե դուք շատ ջանքեր չեք գործադրում մերկանալու համար, սակայն իտալացի գիտնականները նշում են, որ մերկանալու ակտը կարող է խլել ձեզնից  8-ից 10 կիլոկալորիա։ Սակայն ավելի շատ կալորիա սպառելու համար պետք է գործի դնել երևականությունը, որպես օրինակ՝ տղամարդը կծախսի մինչև 80 կիլոկալորիա, եթե կնոջ կրծկալը հանի բերանով։ Կարևորը համբերություն ցուցբերելն է և մերկանալուց ու մերկացնելուց հաճույք ստանալը։

Փաղաքշանքներ

Կարևոր է, թե որքան ժամանակ է հատկացնում սիրային «նախերգանքին»։ 70 կգ կշիռ ունեցող մարդը նախնական փաղաքշանքների վրա 25 րոպեում ծախսում է մոտ 25 կիլոկալորիա։ Աշխատեք ակտիվ լինել «նախերգանքի» ժամանակ և կսպառեք ավելի շատ էներգիա։

Մերսում

Եթե ձեր գուգընկերը խնդրում է ձեզ մերսել մեջքը, ապա կա պատճառ համաձայնելու, քանի որ մեկ ժամ մերումը ձեզանից կխլի 80 կիլոկալորիա։ Կարելի է մերսել միմյանց հաջորդաբար և ստանալ թե՛ հաճույք, թե՛ ծախսել կալորիաներ։

Պարեր

Փոքր-ինչ կրքոտ պարերը, նույնիսկ երբ դուք մերկ չեք, կարող են հրաշալիորեն փոխարինել մարզանքը։ Որքան շատ են գայթակղիչ շարժումները, այնքան արդյունավետ կայրվեն ձեր կալորիաները՝ միջինը 170 կիլոկալորիա՝ կես ժամում։ Հետազոտությունները փաստել են, որ գայթակղիչ պարերից հետո կինն ավելի ուժեղ է գրգռվում։

Օրգազմ

Ուզու՞մ եք կալորիաների սպառման գործը հաջողությամբ ավարտել։ Օրգազմը կխլի ձեզնից լրացուցիչ 60-ից 100 կիլոկալորիա։

Կալորիաների սպառման աղբյուրը սեքսուալ հաճույքի ժամանակ դրսևորվող կրքի մեծ ալիքն է ու երկարաձգված ժամանակը։ Օրգազմի սպասումը մեծացնում է սրտի զարկերի հաճախականությունը՝ աչքի առաջ մաշելով ձեր կալորիաները։

Այսպիսով, որքան բուռն է սիրային խաղերով ու երևակայությամբ համեմված ձեր սերը, այքան մեծ է ոչ միայն առողջ լինելու, այլև ավելի շատ կալորիաներ սպառելու հավանականությունը։ Զբաղվելով սիրային մերձեցմամբ՝ դուք ոչ միայն հաճույք եք ստանում, այլև կորցնում եք միջինում 455 կիլոկալորիա։ Դա նույնն է, ինչ մարզասրահում անցկացնել ինտենսիվ պարապմունքի 1-1.5 ժամ։