Էրդողանի կուսակցությունը արտահերթ ընտրություններում ձայների 48% է ստանալու. հարցում

Հունիսի 24-ին արտահերթ խորհրդարանական ընտրություններին Թուրքիայի քաղաքացիների կեսից ավելին պատրաստ են սատարել «Արդարություն և զարգացում» կուսակցության գլխավորությամբ դաշինքին։

Այս մասին վկայում են MetroPoll հարցման արդյունքները,– հաղորդում է Reuters–ը։ Նախագահ Ռեջեփ Թայիպ Էրդողանի և նրա գործընկերոջ՝ Ազգային շարժում կուսակցությանը պատրաստ է սատարել ընտրողների 54%-ը։

Հարցումը ցույց է տվել, որ Էրդողանի կուսակցությանը աջակցում է ընտրողների 48%–ը, իսկ Ագային շարժում կուսակցությանը՝ ընտրողների 6%-ը։

Հարցումը նաև ցույց է տալիս, որ ևս երեք կուսակցություն կարող են հատել 10%-ի սահմանը՝ առնվազն շեմը, որ անհրաժեշտ է խորհրդարան մտնելու համար։

Հիմնական ընդդիմադիր ուժին՝ Ժողովրդա–հանրապետական կուսակցությանը սատարում է ընտրողների 21%–ը։