ՆԱՏՕ-ն դատապարտել է Սիրիայի գործողությունները թուրքական կործանիչի վերացման պատճառով

ՆԱՏՕ-ն սուր քննադատության է ենթարկել և դատապարտել է Սիրիայի գործողությունները՝ կապված անցյալ ուրբաթ Թուրքիա-Սիրիա սահմանին թուրքական F-4 ռազմական կործանիչի վերացման պատճառով, հաղորդում է Hurriyet Daily News-ը։

ՆԱՏՕ-ի Գլխավոր քարտուղար Անդերս Ֆոգ Ռասմուսենը հայտարարել է, որ Սիրիան ամբողջությամբ խախտել է խաղաղության և անվտանգության միջազգային բոլոր նորմերը։

Ռասմուսենն այդ մասին հայտարարել է ՆԱՏՕ-ի խորհրդի քննարկման ընթացքում, որը կայացել է Թուրքիայի պահանջով։

ՆԱՏՕ-ի Գլխավոր քարտուղարը նշել է, որ Դաշինքի անդամ բոլոր երկրները պաշտպանում են Թուրքիայի դիրքորոշումն այդ հարցում։