Սիրիան հստակ վտանգ է ներկայացնում Թուրքիայի համար. Ռեջեփ Թայիփ Էրդողան
Մերձավոր Արևելք
«Սիրիան հստակ վտանգ է դարձել Թուրքիայի համար, և սիրիական կողմից Թուրքիայի սահմանին մոտեցող ռազմական բոլոր տարրերն այսուհետև վտանգ են համարվելու»,-հաղորդում է Hurriyet Daily News–ը։
Թուրքիայի վարչապետ Ռեջեփ Թայիփ Էրդողանը այդ առնչությամբ հայտարարել է, որ ճգնաժամի հետևանքով թուրքական բանակը փոխում է զենքի կիրառման կանոնները:
Էրդողանն ասել է, թե «Թուրքական բանակը վրեժխնդիր է լինելու Սիրիայի կողմից սահմանը խախտելու համար»: Նա ընդգծել է նաև, որ ռազմական օդանավը խփվել է միջազգային օդային տարածքում և ընկել Սիրիայի տարածքային ջրերում:
Էրդողանը հիշեցրել է, որ սիրիական կողմը միայն այս տարի Թուրքիայի օդային տարածքը խախտել է 114 անգամ, որոնց պաշտոնական Անկարան անարձագանք է թողել։
Սիրիայի զինված ուժերի կողմից թուրքական ռազմական կործանիչը վերացնելու կապակցությամբ հայտարարությամբ հանդես է եկել նաև ԱՄՆ պետքարտուղարության մամլո խոսնակ Վիկտորիա Նուլանդը:
Պատասխանելով լրագրողի հարցին, թե ինչպիսին է ԱՄՆ-ի արձագանքն այս միջադեպի կապակցությամբ, Նուլանդը նշել է, որ ԱՄՆ–ն ակնկալում է Թուրքիայի հետ խորհրդակցությունների անցկացումը՝ միջադեպի կապակցությամբ վերջինիս կարծիքի և ձեռնարկվելիք հետագա քայլերի մասին տեղեկանալու նպատակով:
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
