Մոսկվան չի ընդունում Իրանի դեմ ուղղված նոր պատժամիջոցները

Ռուսաստանը գտնում է, որ Իրանի նկատմամբ նոր պատժամիջոցների կիրառումը վաղուց դուրս է եկել Իրանի միջուկային ծրագրի տարարծման կոնտեքստից։ Այս մասին ասված է ՌԴ ԱԳ նախարարության տարածած հողորդագրությունում։

Նոյեմբերի 21-ին ԱՄՆ-ն հայտարարել է Իրանի նավթաքիմիական արդյունաբերական գործարանի, ինչպես նաև մի շարք քաղաքացիական անձանց նկատմամբ նոր պատժամիջոցներ կիրառելու մասին։

«Ռուսաստանի Դաշնությունը գտնում է, որ անընդունելի են նման պատժամիջոցները՝ տարածաշրջանային անվտանգության և միջազգային իրավունքի նորմերի տեսանկյունից։ Նման մոտեցումը միջազգային հանրության կողմից և նմանատիպ զարգացումները Իրանի միջուկային ծրագրի շուրջ լրջորեն բարդացնում են Թեհրանի հետ կառուցողական երկխոսություն ծավալելու հնարավորությունը»,- ասված է Ռուսաստանի արտաքին գործերի նախարարության տարածած հաղորդագրությունում։ 

«Իրանի դեմ կիրառվող պատժամիջոցների աճը մեր որոշ գործընկերների կողմից գրեթե ինքնանպատակ է և չի խթանում Իրանին բանակցությունների սեղանի շուրջ նստեցնելու գործընթացներին։ Մենք գտնում ենք, որ պատժամիջոցների մշտական աճը վաղուց դուրս է եկել իր տրամաբանությունից»,- ասված է ՌԴ ԱԳ նախարարության հայտարարության մեջ։ Հաղորդում է "BBC Russia" լրատվական կայանը։