Լեոնարդո դա Վինչիի ինքնանկարի «հիվանդության» մասին

Լեոնարդո դա Վինչիի ինքնանկարը՝ իտալացի գեղանկարչի ամենահայտնի նկարը, վնասվել է և մոտ ժամանակներս հանրությանը չի ներկայացվի։ 1500-ական թվականներին ստեղծված նկարի վրա բծեր են հայտնվել։ Դրանց պատճառը կարող է լինել ինչպես օքսիդացումը, այնպես էլ թղթի բորբոսը։ Բծերի հայտնվելու հետևանքով Լեոնարդոն կամրուկով հիվանդի տեսք է ստացել, նշում են հետազոտողները։

Մասնագետները եվրոպական կենտրոնի մշակութային ժառանգության իրենց գործընկերների հետ մեկ ամիս շարունակ ուսումնասիրել են նկարը։ Նրանց գլխավոր նպատակն է՝ պարզել դիմանկարի վատթարացման պատճառներն ու վերականգնման հավանականությունը։

Ներկա պահին նկարը վերականգնելու մասին որոշում դեռ չի ընդունվել, սակայն արտաքին և ներքին գործոնների ազդեցությամբ առաջացած վնասների պատճառով վերականգնողական աշխատանքները շարունակել խորհուրդ չի տրվում։ Ծայրահեղ դեպքում դրանք պետք է շատ զգուշորեն կատարվեն, բայց մասնագետները վերականգնելը վտանգավոր են համարում։

Աշխատանքները սկսելու որոշումը պետք է ընդունվի Թուրինի թագավորական գրադարանի հետ համատեղ։ Նկարը շատ հազվադեպ է ցուցադրվում։ Վերջին անգամ այն ցուցադրվել է 2011 թվականին Թուրինում «Leonardo. the genius. the myth» («Լեոնարդո։ Տաղանդ։ Առասպել») ցուցահանդեսում: Դիմանկարը համարվում է Լեոնարդո դա Վինչիի միակ իրական ինքնանկարը։