Մեդոֆի եղբայրն ընդունել է իր մեղքը ֆինանսական բուրգի մեքենայություններում

Վերջին 4 տասնամյակների ընթացքում «Bernard L. Medoff Investment» ընկերությունում Պիտեր Բ. Մեդոֆն իր մեծ եղբոր՝ Բերնարդ Լ. Մեդոֆի հետ համատեղ ղեկավարել է իրենց ընտանեկան բիզնեսը։

Անցյալ ուրբաթ օրը Պիտեր Մեդոֆը իր եղբայր Բերնարդի՝ ներդրողներին միլիարդավոր դոլարների վնաս պատճառած ֆինանսական բուրգի բացահայտումից ավելի քան երեք տարի անց ներկայացել է Մանհեթենի դատարան, ուր նրան ընկերության գործով մեղադրանք է ներկայացվել։

Չորեքշաբթի տեղի ունցած դատավարության ժամանակ Պիտեր Մեդոֆին դատապարտել են 10 տարվա ազատազրկման և տուգանել 143 մլրդ. դոլարի չափով, որը նա դժվար թե ի վիճակի լինի վճարել։ Տուգանքի չափը, սակայն, հաշվարկվել էր ընկերությունում ֆինանսական շրջանառության հիման վրա։

Մեղքի ընդունելը չի նշանակում, որ Պիտեր Մեդոֆն իմացել կամ մասնակցություն է ունեցել իր եղբոր ստեղծած ֆինանսական բուրգում կատարված խարդախություններին։ Ամենայն հավանականությամբ, Պիտեր Մեդոֆը եղել է ընկերությունը ձևականորեն ղեկավարող մեկը, ինչի արդյունքում նրա եղբայրն էֆեկտիվորեն կարողանում էր թաքցնել սեփական խարդախությունները։ Դատարանում նա մեղադրվել է փաստաթղթերի կեղծման և հարկային մարմիններին սուտ տեղեկություններ տրամադրելու մեջ։

Պիտերի կյանքը փոխվեց այն ժամանակ, երբ 2008 թ.-ին բացահայտվեցին իրագործված խարդախությունները, և նրանք հետապնդման ենթարկվեցին թե՛ օրինապահ մարմինների, թե՛ խաբված ներդրողների կողմից։

Իրվինգ Հ. Պիկարդը՝ Բերնարդի սնանկության երաշխավորը, 2009թ.-ին դատի էր տվել Պիտերին և Մեդոֆի ընտանիքի մյուս անդամներին՝ փորձելով ետ վերադարձնել ներդրողների կորցրած գումարները։ Դատական գործ էր հարուցվել Պիտերի, իր աղջկա և Մեդոֆի երկու որդիների դեմ, որոնք մեղադրվել էին տուժածների գումարներից 255 մլն. դոլար յուրացնելու մեջ։ Պիտերին և նրա ընտանիքի մյուս անդամներին չեն մեղադրում խարդախության մեջ, այլ նրանում, որ իրենք չեն կատարել իրենց մասնագիտական պարտականությունները։

Իրվինգ Հ. Պիկարդն ավելի քան 1000 հայց էր ներկայացրել՝ փոխհատուցելու տուժածների գումարները, որոնց ընդհանուր թիվը կազմում էր մոտ 18 մլրդ դոլար։ Նա տուժածներին կարողացավ վերադարձնել ավելի քան 1.1 մլրդ. դոլար։ Այս շաբաթ տեղի ունեցած դատից հետո նա հայտարարել է՝ նոր հայցեր ներկայացնել գումարները ետ վերադարձնելու նպատակով։ Ընդհանուր գումարն անցնելու է 9 մլրդ դոլարը։