Մյասնիկյան պողոտան երեք օրով կփակվի

Մյասնիկյան պողոտայի վերակառուցման ու ասֆալտապատման շինարարական աշխատանքներն իրականացնելու նպատակով հունիսի 29-ին առավոտյան ժամը 7:00-ից մինչև հուլիսի 1-ի ժամը 18:00-ը ժամանակավորապես կդադարեցվի երթևեկությունը Մյասնիկյան պողոտայի՝ Աճառյան փողոցի ուղեանցից մինչև Հերացի փողոց իջնող հատվածում:

Որպես այլընտրանքային ավտոճանապարհ՝ վարորդներին առաջարկվում է Նոր Նորք վարչական շրջանից դեպի փոքր կենտրոն երթևեկել Դավիթ Բեկի փողոցով կամ Քանաքեռ-Զեյթուն վարչական շրջանով և Ազատության պողոտայով:

Քաղաքապետարանը պատճառած ժամանակավոր անհարմարությունների համար հայցում է երևանցիների ներողամտությունը։