Բուշի տունը պայթեցնել ցանկացողին մեղավոր են ճանաչել

Տեխասում սովորող սաուդացի Խալիդ Ալդավսարիին մեղավոր են ճանաչել զանգվածային ոչնչացման զենք օգտագործելու մտադրության մեջ, հայտնում են ԱՄՆ Արդարադատության նախարարության ինտերնետային կայքից։ Նրան սպառնում է ցմահ ազատազրկում և 250 հազար դոլարի տուգանք։ Դատավճիռը տեղի կունենա հոկտեմբերի 9-ին։

Սաուդացին Ամերիկայում հաստատվել է օրինական՝ ուսանողական վիզայով։ Տեխնոլոգիական համալսարանում ուսումնասիրել է քիմիական տեխնոլոգիաներ։

Նրան ձերբակալել են 2011թ-ի փետրվարի 20-ին, իսկ մեղադրանք ներկայացվել է հոկտեմբերի 9-ին։

Ալդավսարին համացանցում տեղեկատվություն է փնտրել տնային պայմաններում պատրաստվող պայթուցիկների մասին և գնել դրա պատրաստման համար նախատեսված մի քանի քիմիական նյութ։ Երկու ընկերությունների՝ քիմիական նյութերի մասնագիտացված արտադրության և ապրանքների մատակարարման աշխատակիցները կասկածել են ուսանողին, երբ նա փորձել է գնել ֆենոլ՝ պայթուցիկի արտադրության մեջ օգտագործվող նյութ։ Խուզարկության ընթացքում, բացի քիմիկատներից, նրա մոտ հայտնաբերել են նաև մետաղալարեր եւ քիմիական պաշտպանական կոստյում:

Իր բլոգում Ալդավսարին ցանկություն է հայնել միանալու Ջիհադին։ Նրա էլեկտրոնային փոստում հայտնաբերվել է ենթադրյալ թիրախների դեմ հարձակումների ցանկը։ Դրանց թվում են եղել միջուկային էլեկտրակայանները, հիդրոէլեկտրակայանները և ԱՄՆ նախկին նախագահ Ջորջ Բուշ կրտսերի՝ Տեխասում գտնվող Բռնակալի տուն կոչվող տունը։