«Ժողովուրդ». Սյունիքի մարզում ՏԻՄ ընտրություններին պայքարը թեժ է լինելու
Հայկական Մամուլ
Սեպտեմբերի 9-ին Սյունիքի մարզի Կապան համայնքի ղեկավարի պաշտոնում կրկին իր թեկնածությունն է առաջադրել գործող քաղաքապետ, ՀՅԴ անդամ Արթուր Աթայանը, որին նախորդ ընտրությունների ժամանակ աջակցում էր Զանգեզուրի պղնձամոլիբդենային կոմբինատի գլխավոր տնօրեն Մաքսիմ Հակոբյանը:
Աթայանի մրցակիցը լինելու է «Հայփոստ»-ի Կապանի մասնաճյուղի տնօրեն ՀՀԿ-ական Աշոտ Հայրապետյանը: Քանի որ նախորդ ընտրությունների ժամանակ Մ. Հակոբյանի և Սյունիքի մարզպետ Սուրեն Խաչատրյանի հարաբերությունները լարված էին, ուստի Հակոբյանը չպաշտպանեց Խաչատրյանի թեկնածուին:
Այս անգամ Հակոբյանն ու մարզպետն աշխատելու են մեկ «սիրելի» թեկնածուի համար:
Ի դեպ, նրանք շատ լավ հարաբերությունների մեջ են նաև «հակառակորդ» թեկնածու Աշոտ Հայրապետյանի եղբոր՝ սրտաբան Համլետ Հայրապետյանի հետ: Ավելին, Հակոբյանն ու մարզպետը նրա մոտ են բուժվում:
Իսկ Սիսիանում պայքարն ավելի թեժ է լինելու. այստեղ ԲՀԿ-ական քաղաքապետ Աղասի Հակոբջանյանին «ձեռնոց է նետել» Սիսիանի առաջին քաղաքապետ ՀՀԿ-ական Գառնիկ Հովակիմյանը: Սակայն ՀՀԿ Սիսիանի խորհուրդը որոշել է պաշտպանել այլ թեկնածուի՝ Սյունիքի մարզպետարանի գյուղատնտեսության և բնապահպանության վարչության պետ ՀՀԿ-ական Սամվել Թանգյանին:
Ի դեպ, վերջինս միշտ առաջադրվում ու պարտվում է:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
