Մերդոքի մեդիահոլդինգը երկու մասի բաժանվեց

News Corporation մեդիահոլդինգի սեփականատեր Ռուփերթ Մերդոքը հայտարարել է ընկերությունը երկու մասին բաժանելու մտադրության մասին։ Ըստ մեդիամագնատի, ընկերության մասնատումը թույլ կտա մեկուսացնել կորպորացիայի շահավետ և երկարաժամկետ ակտիվները բրիտանական թերթերի բիզնեսից, որն այժմ դժվարին ժամանակներ է ապրում հեռախոսազրույցների գաղտնալսման հայտնի սկանդալից հետո, հաղորդում է BBC–ն։   

Այսպիսով, ամերիկյան Fox հեռուստաընկերության Մերդոքին պատկանող մասնաբաժինը, որը BskyB բրիտանական հեռուստատեսային ցանցի մաս է կազմում, այսուհետ դարձել է ընկերության մեդիա–ժամանցային բաժնի մի մասը, իսկ HarperCollins հրատարակչատունը տպագիր մամուլի մաս կդառնա, ինչպիսին որ ամերիկյան Sun ընկերությունն է։

News Corp–ի սեփականատեր Ռուփերթ Մերդոքը հայտարարել է, որ «100% հավատում է ընկերության մասնատման հաջողությանը՝ թե՛ ժամանցային, թե՛ տպագիր մամուլի բիզնեսում»։ 

Վերջինս նշել է, որ երկու ընկերությունների կառավարիչների խորհուրդը նա է ղեկավարելու։ Մեդիամագնատն այսուհետ չի կարող նոր նախաձեռնություններով հանդես գալ տպագիր մամուլի բիզնեսում։ Փորձագետների կարծիքով, դա ընկերության բաժնետերերի և բրիտանացի քաղաքական գործիչների ճնշումների ներքո է եղել, News of the World թերթի անձնակազմի կողմից հայտնի քաղաքական գործիչների և հասարակ քաղաքացիների հեռախոսազրույցները գաղտնալսելու սկանդալային պատմության հետևանքով։ 

Հինգշաբթի News Corp–ի բաժնետոմսերի արժեքը 1,1%–ը նվազել է։