Այս տարվա դեկտեմբերի վերջերին կոտրվեց մոտ 400 կայք. Սամվել Մարտիրոսյան

Այսօր լրագրողների հետ զրույցի ժամանակ տեղեկատվական անվտանգության փորձագետ Սամվել Մարտիրոսյանը խոսեց թուրք-ադրբեջանական հակերային հարձակումների մասին: Մասնագետի խոսքերով, թուրք և ադրբեջանցի հաքերներն ապրում են կենասաբանական ռիթմով, հարձակման համար ունեն ստաբիլ օրեր:

Նա նշեց, որ Հայաստանի վրա ամենախոշոր հարձակումը եղավ այս տարվա դեկտեմբերի վերջերին, հունվարի սկզբին, երբ կոտրվեց մոտ 400 կայք: Դեկտեմբերի 31-ին կոտրեցին մեծ քանակությամբ հայկական կայքեր, և ի պատասխան' հայկական կողմը տեղադրեց ադրբեջանցի լրագրողների նամակագրությունները:

- Հայկական կողմը նույնպես հարձակումներ է իրականացնում ադրբեջանական կայքերի վրա, սակայն ես դեմ եմ նմանատիպ պատասխանին, քանի որ դա լուրջ չեմ համարում. Մեկ այլ բան է, եթե պատերազմի ժամանակ են իրականացնում հաքերային հարձակումները, քանի որ դա կարող է լռեցնել հակառակորդի լրատվամիջոցը:

Հունվարի 20-ին ադրբեջանցիների համար «սև օր է», և այդ օրը նույնպես հաքերային հարձակունմերը շատ են եղել: Փետրվարի վերջին կոտրվեցին մի քանի լուրջ կայքեր՝ ԼՂՀ-ի մի քանի կառավարական կայքեր: Փետրվարին նաև հայերն են հարձակվել ադրբեջանական կայքերի վրա: Մարտի 31-ին ադրբեջանցիները հայտարարեցին, որ կոտրել են մոտ 900 հայկական կայք, սակայն իրականությունը ցույց է տալիս, որ ընդամենը մի երկու կայք էր հայկական: Ապրիլ ամիսներին հարձակումները շատանում են, սակայն դրանից հետո՝ նվազում:

Մտահոգիչ է, որ շատացել են հարձակումները լրատվական կայքերի վրա: Պատճառն այն է, որ կայքերի մեծ մասը պաշտպանության համար չունի համապատասխան գումարներ: Վերջին 6 ամիսներին մոտ 15 լուրջ հարձակում է եղել լրատվամիջոցների վրա: Պետական կայքերը ԱԱԾ-ի պաշտպանության տակ են, դեռ լուրջ հարձակումներ չեն եղել, իսկ ԼՂՀ կայքերը փաստացի այդպիսի պաշտպանություն չունեն և, 1 տավա ընթացքում 2 անգամ կոտրվել են:

Մարտիրոսյանը նշեց նաև, որ հունիսի սկզբին ադրբեջանցի հաքերները փորձել են անգամ կոտրել ՀՀ նախագահի պաշտոնական կայքը, սակայն դա նրանց չի հաջողվել, քանի որ այդ կայքը պաշտպանված է: