Եղբայրը նիհարել է 50 կիլոգրամով, որ փրկի քրոջ կյանքը

ԱՄՆ-ում մի տղամարդ նիհարել է 50կիլոգրամով, որպեսզի քրոջ համար երիկամի դոնոր դառնա: Ֆլորիդայի բնակիչ Ջերոմի Բելլի խոսքով, մեկ տարի առաջ բժիշկները նրա քրոջն ախտորոշել էին երիկամային անբավարարություն: Քրոջն անհետաձգելի փոխպատվաստում էր անհրաժեշտ:

Ամերիկուհու վիճակն ամսեամիս վատանում էր, և շուտով բժիշկները նրան փաստի առջև կանգնեցրին՝ ասելով, որ դոնոր չգտնվելու դեպքում նրան փրկելն այլևս անհնար կլինի:

Եղբայրը, իմանալով դրա մասին, որոշեց զոհաբերել իր երիկամը, և, ավելի քան կիսով չափ նիհարելու համար, ստիպված էր անցնել խիստ սննդակարգի:

«Օրգան զոհաբերելու համար մարդը 25 կգ-ը գերազանցող ավելորդ քաշ չպիտի ունենա, դոնորը պարզապես պարտավոր է առողջ լինել»,- հայտարարել էր բժիշկ Քալյան Մերթին։

3 շաբաթվա ընթացքում Ջերեմին սկսեց ուժային վարժություններ անել, գրեթե չէր ուտում և հատուկ դեղորայք էր ընդունում քաշը կարգավորելու համար, ինչը նրան հաջողվեց. ընդամենը 3 շաբաթում տղամարդը նիհարեց 50 կգ-ով:

Tufts University School of Medicine-ի բժիշկների խոսքերով, այդքան կարճ ժամանակահատվածում մեծ քաշ կորցնելով՝ մարդը պետք է պատրաստ լինի առողջական լուրջ խնդիրներ ունենալուն։ Սակայն Ջերեմին որոշեց գնալ այդ քայլին: Բացի այդ, մի քանի շաբաթում գտնվեցին բարերարներ, ովքեր ֆինանսավորեցին նաև վիրահատությունը:

2012-ի հունիսին բժիշկները Ջերեմիի երիկամը բարեհաջող պատվաստեցին Էլայզային:

«Երբ ես գնում էի այդ ծայրահեղ քայլին, չէի մտածում ոչ իմ, ոչ էլ հետևանքների մասին: Ես միայն մտածում էի սիրելի քրոջս ապաքինման մասին»,- ասել է Ջերեմին: