Եվրամիության ղեկավարը հաջորդ շաբաթ Հայաստան կայցելի. ԱԳՆ

Եվրամիության նախագահ Հերման Վան Ռոմպեյը հաջորդ շաբաթ Հայաստան կայցելի, ուրբաթ լրագրողներին ասաց ՀՀ արտգործնախարարի տեղակալ Զոհրաբ Մնացականյանը:

Մնացականյանի խոսքով՝ ԵՄ-Հայաստան համագործակցությունը բավականին բարձր դինամիկա ունի, ինչի մասին բազմաթիվ անգամ նշվել է երկու երկրների ղեկավարության մակարդակում:

Մնացականյանը նշել է, որ Հայաստանի և Եվրամիության ակտիվ համագործակցության փուլը կշարունակվի մինչև ամառային արձակուրդներ, իսկ հետո կվերսկսվի աշնանը: