Մահացել է Իսրայելի նախկին վարչապետ Իցհակ Շամիրը

96 տարեկան հասակում վախճանվել է Իսրայելի նախկի վարչապետ Իցհակ Շամիրը։ Շամիրը տառապում էր Ալցգեյմերի հիվանդությամբ։

Նա գլխավորել է Իսրայելի կառավարությունը 1983-1984 և 1986-1992 թվականներին։

Շամիրը ծնվել է Ռուսական կայսրության տարածքում։ 1935 թ.-ին գաղթել է Պաղեստին։

Մինչ Իսրայելի ձևավորումը անդամակցել է սիոնիստական զինված խմբավորմանը, այնուհետև աշխատել է իսրայելական հետախուզությունում։

Նախկին վարչապետի քաղաքական կարիերան սկսվել է 1970–ական թվականներին` «Լիկուդ» աջակողմյան կուսակցության շարքերում, որտեղ դեմ հանդես գալով տարբեր խաղաղ նախաձեռնությունների, ձեռք է բերել «կոշտ» քաղաքական գործչի համբավ։